Ohehoheho

Minta maaf!

aku jadikan ayat pertama sebab aku dah lama tak update blog ni.

Sorpraisss!

apo yang sopraisnyo? haa, hari ni eden nak tolih blog guno bahaso nogori bortorabor. mampos la ekau nak baco ko nak jilat skrin ko apo lantak la asalkan ko bayongkan makcik atah ni tongah borcakop yo.

eden nak borakborak pasal sokarang ni eden tongah golakgolak macam hayina dalam lion king tu ha tak tau la konapo torlobih gulo ko apo. eden masok profile sorangsorang kawan eden kak fesbuk tu ha, eden komen apo bondo lupo la dah tuo ni. macammacam la eden komen golakgolak, maki hamun diorang.

nak tau konapo? gambo diorang satusatu kolakor nak pocah halkum eden ni golak golenggoleng kat lantei ni ha. ado yang mulot itek bagai, sonyum tak ikhlah nak tariktarik pipi tu tampor kang ha satu apo tak dapek. mekap tobal macam jakpar on dah eden tengok. ekau buek apo nak tariktarik pipi tu ekau pakai susok ko apo. ekau pose elokelok tak boleh ko? nak jugak dok kengkang pipi tu terjuloq mulot tu tak tahan eden kepak limo jo kang.

ado yang namo betol megat jadi dakhat dah konapo? dakhat tu bahaso arap ko sopanyol ko eden pun poning nak pikir. mak bapak ekau bagi namo elokelok tu lotak ajo tak boleh ko? tak femes? tak glamor? nak femes nak glamor ekau pogi bollywood tu ha ekau tokar namo jadi megatchandran ko, shah megat khan ko, ar femes la ekau nanti. femes kena kutok kat fesbuk la bahlol!

lopah tu kat wall status tu ekau lotak la bahasobahaso bodoh entah apoapo tah main sobat jo. ekau ingat ado jo orang ngomen? pergi mampoh sampai onam rayo korban pon orang golak kat ekau. toksah la ekau nak gurindam la, ayat bungobungo ekau ingat orang tak muntah ko? rosak la monitor orang tu tiaptiap hari nak hantor ko kodai basoh muntoh sondiri kak monitor tu. eh ekau bongap ko apo tulih merepekrepek, ekau tak tau malu ko apo? makan sup torompah siosio hidop ekau.

sudah la eden malas nak cakap, berboihboih mulot ni ha sapo nak lap? eden tulih lagi nanti bilo ada maso lapang macam ni ha. ni pun tongah main batu seremban apo ni eden pun konfius. apo la namo batu seremban. lotak la batu ampang ko, batu gajah ko, batu bertangkop kan elok. batu seremben konon. ptuih!